सुनसरी, २३ असार– प्रदेश नम्बर १ को सम्भावित राजधानी सुनसरीको इटहरी शहरको नेतृत्वको एमालेको पोल्टामा गएको छ ।
इटहरी उपमहानगरपालिकाको मेयर र उपमेयरमा एमालेका उम्मेदवार विजयी भएका छन् ।
इटहरीको मेयरमा एमाले उम्मेदवार द्वारिकलाल चौधरी २२ हजार ४ सय १२ मत ल्याएर विजयी भएका छन् । चौधरीका निकटम प्रतिद्वन्द्वी नेपाली कांग्रेसका रोहित प्रसाईले १९ हजार ९ सय ८५ मत पाएका छन् ।
इटहरीको उपमेयरमा पनि एमालेकै लक्ष्मी गौतम २१ हजार १ सय ४२ मत ल्याएर विजयी भएकी छन् । उनकटी निकटतम प्रतिद्वन्द्वी नेपाली कांग्रेसकी विमला ढकालले १८ हजार ३ सय ५२ मत पाइन् ।
