काठमाडौं, २३ असार– पूर्व राजा ज्ञानेन्द्र शाहले आज आफ्नो ७१ औं जन्मदिन मनाउँदै छन् । उनको जन्मदिनको अवसरमा शुभकामना दिनेहरुको लर्को लागेको छ ।
निर्मल निवासमा पूर्व राजालाई शुभकामना दिनमा मानिसहरु भेला भएका हुन् । ११ बजेको साइतबाट शुभकामना ग्रहण गर्न ज्ञानेन्द्र निर्मल निवासको प्रांगढमा उपस्थित भएपनि उनलाई शुभकामना दिन शुभचिन्त, शुभेच्छुक बिहानै निर्मल निवास पुगेका थिए ।
पूर्व राजालाई शुभकामना दिनका लागि जीवन कुञ्जमा भेलाभएका शुभचिन्तक बाजागाजा र सांस्कृतिक झाँकीसहित साढे १० बजे निर्मल निवास पुगेका थिए ।
उनको जन्मोत्सव मनाउनका लागि यसपटक पूर्वराजदूत रामभक्त पीवी ठाकुरको संयोजकत्वमा नागरिक शुभजन्मोत्सव मूल समारोह समिति गठन गरिएको छ ।
जन्मदिनको अवसरमा ज्ञानेन्द्रले आज साँझ सोल्टी होटलमा रात्रिभोजको आयोजना गरेको उनको निजी सचिवालयले जनाएको छ ।
ज्ञानेन्द्रको जन्म २००४ साल असार २३ गते सोमबार भएको थियो ।
