दोस्रो विश्वयुद्धका बेलामा हिटलरको नाजी सेनाले संसारका धेरै देशमा तबाही मच्चाए । यो अहिलेसम्मकै विनाशकारी युद्ध मानिन्छ ।

जर्मनीले यो युद्धमा भारी मूल्य चुकाउनुपरेको थियो । युद्धको अन्त्यतिर सोभियत रुस, अमेरिका, बेलायत र फ्रान्सका सैनिकहरूले जर्मनीका कैयौं इलाकामा कब्जा गरेर लाखौं महिला तथा बच्चीहरूको रेप गरेका थिए ।

जर्मनीका करीब चार लाख बच्चाहरूलाई आफ्नो पिताका बारेमा कुनै जानकारी छैन । यो आश्चर्यलाग्दो तथ्य सन् २०१५ मा प्रकाशित भएको पुस्तक ‘बास्टर्ड्स ! द चिल्ड्रेन अफ अकुपेसन इन जर्मनी आफ्टर १९४५’ नामक पुस्तकमा गरिएको छ ।

जर्मनीको म्याग्देबर्ग विश्वविद्यालयका प्राध्यापक सिल्के सत्जोकोभ तथा प्राध्यापक रेनर ग्रिसले गरेको अध्ययनबाट यो पुस्तक तयार भएको थियो ।

पुस्तकमा बताइएअनुसार एलाइड देशका सैनिकहरूले हत्या, लुटपाट र बलात्कार गरेर लाखौं जर्मन युवती तथा बच्चीहरूलाई गर्भवती बनाएका थिए ।

कैयौं बच्चाहरूलाई उनीहरूको पिताका बारेमा महिलाले बताउनै सकेनन् किनकि उनीहरूलाई विदेशी सैनिकले बलात्कार गरेका थिए ।

युद्ध अन्त्य भएपछि सैनिकहरू आआफ्ना देश गए र उनीहरूको अत्याचारको निशाना मात्र बाँकी रह्यो ।

त्यतिखेर जन्मेका लाखौं बच्चाहरूले जिन्दगीभरि सामाजिक भेदभावको शिकार हुनुप–यो । कैयौंले आफ्ना पिताहरू खोज्ने कोशिश पनि गरे ।

हजारौं महिलाले सैनिकहरूको अत्याचारबाट बच्नका लागि पूरै परिवारसँग मिलेर आत्महत्या पनि गरेका थिए ।

एजेन्सी