हाल देशमा पश्चिमी न्युन चापीय प्रणालीको सामान्य प्रभाव रहेको जल तथा मौसम पूर्वानुमान महाशाखाले जनाएको छ ।  महाशाखाका अनुसार सोमबार बिहान प्रदेश १ लगायत देशका पहाडी भूभागमा आंशिक बदली र अन्य भूभागमा मौसम सामान्यतया सफा रहेको छ। 

यस्तै दिउँसो पहाडी भूभागमा आंशिक बदली रही अन्य भूभागमा सामान्यतया सफा रहने छ। यस्तै  पहाडी भूभागका एक दुई स्थानहरुमा मेघगर्जन र चट्याङ्गसहित हल्का वर्षाको सम्भावना छ।

यसैगरी राति पहाडी भूभागमा आंशिक बदली र अन्य भूभागमा मौसम सामान्यतया सफा रहने छ। 

यस्तै प्रदेश १ को पहाडी भूभागको एकदुई स्थानमा मेघ गर्जन सहित हल्का वर्षाको सम्भावना रहेको महाशाखाले जनाएको छ।