१० असार २०८३, बुधबार
युक्रेनको नोभोसेलीत्स्या शहरनजिक रहेको सुमीखिमप्रोममा विषालु ग्यासको एक ट्यांकमा रुसले आक्रमण गर्दा एम्मोनियाको बादल बनेको छ ।
उक्त बादलले लगभग साढे २ किलोमिटर क्षेत्रलाई ढाकेको त्यस क्षेत्रका गभर्नर दिमीत्रो झीभीत्स्कीले बताए ।
उनका अनुसार, घटनामा एकजना घाइते भएका छन् । ती त्यही भट्टीमा काम गर्ने मानिस हुन् ।
नोभोसेलीत्स्या शहरवासीहरूलाई शेल्टरमा लुक्न निर्देशन दिइएको छ ।
एम्मोनिया रासायनिक मल बनाउनका लागि उपयोग गरिन्छ । यसले श्वासप्रश्वास प्रणालीमा पीडा र जलन गराउन सक्छ अनि आँखालाई चोट लगाउन पनि सक्छ ।
