नेपालको सुदूरपश्चिमसँग सीमा जोडिएको भारतको उत्तराखण्डमा हालै भएको विधानसभा चुनावमा मुख्यमन्त्री पुष्करसिंह धामी पराजित भए । भारतीय कांग्रेसका युवा उम्मेदवार भुवन कापडीले मुख्यमन्त्री धामीलाई पराजित गरे ।

विधानसभा चुनावमा पराजित भएर पनि सत्तारुढ भारतीय जनता पार्टी (भाजपा) ले धामीलाई नै पुनः मुख्यमन्त्री बनाएको छ ।

बुधवार आयोजित शपथग्रहण कार्यक्रममा प्रधानमन्त्री नरेन्द्र मोदी, गृहमन्त्री अमित शाह, रक्षामन्त्री राजनाथ सिंह, भाजपा अध्यक्ष जेपी नड्डा लगायत सहभागी छन् ।

मुख्यमन्त्रीको शपथ लिएपछि धामीले ८ मन्त्री नियुक्त गरेका छन् । धामी सरकारका नयाँ मन्त्रीमा सतपाल महाराज, प्रेमचन्द्र अग्रवाल, गणेश जोशी, धनसिंह रावत, सुबोध उनियाल, रेखा आर्य, चन्दनराम दास र सौरभ बहुगुणा रहेका छन् ।

नवनियुक्त मन्त्रीहरू सबैले विधानसभा चुनाव जितेका छन् ।