२६ जेठ २०८३, मंगलबार
रुसले पोल्यान्ड सीमा नजिक रहेको युक्रेनी शहर लभिभमा शनिवार लामो दूरीको क्षेप्यास्त्र प्रहार गरेको छ ।
एन्टी एयरक्राफ्ट सिस्टम, रेडार स्टेसन र ट्यांकका साइटहरूको मर्मत गर्ने कारखानामा रुसले क्रुज क्षेप्यास्त्र पनि प्रहार गरेको छ ।
रुसले समुद्रमा राखेका लामो दूरीका क्षेप्यास्त्रहरूले एस–३०० क्षेप्यास्त्र र बुक एन्टी एयरक्राफ्ट क्षेप्यास्त्र प्रणालीलाई ध्वस्त पारेको रुसको रक्षा मन्त्रालयले जानकारी दिएको हो । रुसी बलहरूले युक्रेनका कैयौं ड्रोन समेत ध्वस्त पारेका छन् ।
लभिभका मेयर आन्द्री सादोवीले रुसी आक्रमणको विवरण उपलब्ध गराएका छन् ।
उनका अनुसार, रुसी सैनिकहरूले ट्यांक फार्म र रक्षा संरचनामा आक्रमण गरेका थिए ।
पहिलो आक्रमणपछि पाँचजनाले सहायता मागेका थिए । कसैको पनि मृत्यु भएको छैन ।
रुसी प्रहारबाट हतियारहरू गम्भीर रूपमा क्षतिग्रस्त भएका छन् ।
क्षेप्यास्त्रको शकवेभ (तरंग) का कारण विद्यालय तथा किन्डरगार्टनका झ्यालका शीशा फुटेका छन् ।
पोल्यान्डमा रहेका अमेरिकी राष्ट्रपति जो बाइडनलाई यस क्षेप्यास्त्र प्रहारमार्फत रुसले सन्देश दिएको हो । लभिभबाट जम्मा ९० माइल परको स्थानमा बाइडनले भाषण गरेकै समयतिर रुसले क्षेप्यास्त्र प्रहार गरेको हो ।
