०४ असार २०८३, बिहीबार
प्रतिष्ठित अस्कर पुरस्कार वितरण समारोह चलिरहेको बेलामा हलिउड अभिनेता विल स्मिथले कार्यक्रम सञ्चालक क्रिस रकको गाला चड्काएका छन् ।
रकले स्मिथकी पत्नी जाडा पिन्केट स्मिथको शारीरिक अवस्थाका बारेमा मजाक गरेपछि स्मिथ रिसाएका हुन् । जाडालाई एलोपेसिया नामक रोग लागेकाले कपाल खौरेर टाउको मुडुलो पारेकी छन् ।
रकले जाडालाई जीआई जेन भनी मजाक गरेका थिए । सन् १९९७ मा आएको फिल्म जीआई जेनमा मुख्य अभिनेत्री डेमी मूरको मुडुलो टाउको देखाइएको छ ।
रकले पत्नीको मजाक उडाएपछि विल स्मिथ स्टेजमै पुगेका थिए । त्यहीँ उनले रकको गालामा थप्पड हाने ।
त्यतिले मात्र उनको रिस मरेन । फर्केर आफ्नो सीटमा आएपछि उनले ‘आफ्नो घिनलाग्दो मुखबाट मेरी पत्नीको नाम नलिई’ भन्दै रकलाई दुईपटक गाली गरे ।
यस्तो घटना भएपछि पुरस्कार समारोहमा आएका अतिथिहरू स्तब्ध बने ।
तर पछि रक र स्मिथबीच कुरा मिलेर रमाइलो गरेका थिए ।
