१६ असार २०८३, मंगलबार
काठमाडौं महानगरपालिका-१, महेन्द्रशालीकस्थित होटल मिर्चीबाट रेडपाण्डाको छालासहित २ जनालाई प्रहरीले पक्राउ गरेको छ ।
पक्राउ पर्नेहरूमा दोलखा मेलुङ गाउँपालिका-४ भेड्पु घर भएका २९ वर्षीय तुलसाङ दोर्जे गोले र काभ्रे पाँचखाल नगरपालिका-२ घर भएका ३८ वर्षीय रामकुमार श्रेष्ठ रहेका छन् ।
रेडपाण्डाको छाला बिक्री वितरण गरिरहेको भन्ने सूचनाको आधारमा प्रहरी वृत्त दरवारमार्गबाट खटिएको प्रहरीले उनीहरूलाई एक थान छालासहित बिहीवार दिउँसो प्रहरीले पक्राउ गरेको हो ।
यस सम्बन्धमा थप अनुसन्धान भइरहेको प्रहरीले जनाएको छ ।
