२५ जेठ २०८३, सोमबार
नेकपा एमालेका अध्यक्ष केपी शर्मा ओलीले भ्युटावर बनाएकोमा विरोध भएकोप्रति टिप्पणी गरेका छन् ।
नेपालमा कम्युनिष्ट पार्टीको स्थापना दिवसको अवसर पारेर नेकपा एमालेले आयोजना गरेको स्थानीय तह निर्वाचन घोषणापत्र कार्यक्रमलाई सम्बोधन गर्दै ओलीले भ्यूटावर बनाउँदा विपक्षी विरोध गरेको प्रति रोष प्रकट गरेका थिए ।
उनले भने, ‘भ्यूटावर बनाएको, धरहरा बनाएको भन्दै विरोध गरेका छन् । धरहरा नबनाएर के त्यहाँ धान फल्छ धान ? धरहराको टुप्पोमा लगेर धान रोप्ने हो ?’
एमालेले खेल मैदान, भ्यूटावर आदि बनाउने उनले बताए ।
युवाहरूको लागि खेल मैदान एमालेले बनाउने ओलीले बताए ।
देशमा विकासको लहर ल्याउने पार्टी एमाले मात्रै भएको उनले दावी गरेका थिए ।
एमालेलाई सबै ज्येष्ठ नागरिकले आशीर्वाद दिइरहेको र बालबालिकाले पनि माया गरेको पार्टी भएको उनले बताए ।
