११ साउन २०८३, सोमबार
स्थानीय चुनावका लागि धादिङमा गठबन्धन दलहरूबीच भागबण्डा टुंगिएको छ ।
गठबन्धनको बाग्मती प्रदेश संयन्त्रले जिल्लाका १३ मध्ये १२ स्थानीय तहमा भागबण्डा टुंगो लगाएको हो ।
भागबण्डाअनुसार ७ स्थानीय तह कांग्रेसको भागमा परेको छ भने नेकपा (माओवादी केन्द्र)ले ३ र एकीकृत समाजवादीले २ स्थानीय तह पाएका छन् ।
थाक्रे गाउँपालिकामा भने जिल्लास्तरीय संयन्त्रले टुंगो लगाउने छ ।
भागबण्डाअनुसार कांग्रेसले नीलकण्ठ नगरपालिका तथा खनियाबास, सिद्धलेक, गंगाजमुना, ज्वालामुखी, त्रिपुरासुन्दरी र नेत्रावती गाउँपालिका पाएको छ ।
यस्तै माओवादीको भागमा गजुरी, बेनिघाट रोराङ र रुवीभ्याली गाउँपालिका परेको छ ।
यस्तै एकीकृत समाजवादीले धुनीबेसी नगरपालिका र गल्छी गाउँपालिका पाएको छ ।
जिल्ला समन्वय समिति प्रमुख कांग्रेसले पाउने छ भने उपप्रमुख एकीकृत समाजवादीको भागमा परेको छ ।
टुंगिन बाँकी रहेको थाक्रेमा यसअघि माओवादीले अध्यक्षमा उम्मेदवारी दिने सहमति भएको थियो । अब नयाँ शिराबाट छलफल हुनेछ ।
थाक्रेमा एमालेपछि तुलनात्मक रूपमा माओवादीको संगठन राम्रो रहेको मानिन्छ ।
