१० असार २०८३, बुधबार
चीनले क्षुद्रग्रहहरूको प्रभावकारी निगरानी तथा तिनीहरूको बाटो परिवर्तन गर्न सक्ने क्षमता भएको प्रणाली विकसित गर्न खोजेको छ । पृथ्वीमा ठोकिन आउने क्षुद्रग्रहबाट बचाउन यस्तो प्रणाली चीनले विकसित गर्न खोजेको हो ।
चीनको अन्तरिक्ष निकायका उपप्रमुख वु यानह्वाले सन् २०२५ सम्ममा चीनले परीक्षणका रूपमा एउटा क्षुद्रग्रहमा प्रहार गर्न खोजेको बताए ।
पृथ्वी नजिक आउने क्षुद्रग्रहको निगरानी र प्रतिरक्षा प्रणाली बनाउन लागिएको छ । त्यसले अन्तरिक्षयानलाई समेत सुरक्षा दिनेछ, वुले चीनको सीसीटीभी च्यानलसँग कुरा गर्दै बताए ।
यस प्रणालीमा स्थलगत तथा अन्तरिक्षगत दुवैथरी तत्त्वहरू हुन् । यसले पृथ्वीलाई खतरामा पार्न सक्ने क्षुद्रग्रहको सूची तयार पार्ने र विश्लेषण गर्नेछ । विशेषगरी यस प्रणालीले कम्प्युटर सिमुलेसन फ्रेमवर्क उपयोग गरी क्षुद्रग्रहमा ठोकिँदा पर्ने असरको नमूना प्रस्तुत गर्नेछ, वुले बताए ।
