काठमाडौँ, ३१ असार- महिलाको मामिलामा अनेकन लफडामा पर्दै आएका अमेरिकी राष्ट्रपति डोनाल्ड ट्रम्प फेरि एक पटक महिलाका कारण चर्चामा आएका छन् ।
यो पटक भने उनी भीआईपी महिलासँग गरेको व्यवहारबाट चर्चामा आएका हुन् ।
फ्रान्स भ्रमणमा रहेका ट्रम्प फ्रान्सकी प्रथम महिला ब्रिजिट म्याक्रोंसँग यस्तो शैलीमा प्रस्तुत भएकी त्यसले तरंग मच्चईदियो ।
ट्रम्पले ब्रिजिटको शारीरिक बनावटबारे प्रशंसा गर्दै ब्रिजिटलाई भने, ‘तपाईंको शारीरिक बनावट कत्ति साह्रै मिलेको, तपाईंलाई थाहा छ ?’ सोहि कुरा उनले फ्रान्सका राष्ट्रपति इम्यानुअल म्याक्रोंतर्फ फर्किएर पनि दोहोर्याएका थिए ।
यो विषयले पश्चिमा मिडियामा राम्रै स्थान पाएको छ ।
