०५ असार २०८३, शुक्रबार
कतारस्थित मर्करी मेना कम्पनीमा काम गरी आफ्नो बक्यौता रकम लिन बाँकी रहेकाहरूलाई कतार सरकारले सम्पर्कमा आई रकम बुझ्न आग्रह गरेको छ ।
रकम बुझ्नका लागि नाम ठेगाना खुल्ने परिचयपत्रसँगै कतारमा काम गर्दाको कतारी आईडी नम्बर खुल्ने कागजात र पासपोर्ट लिएर आउनुपर्ने कतारी दूतावासले जनाएको छ ।
दूतावासका अनुसार कतारी आईडी नम्बर भएका व्यक्तिहरूले नेपाल सरकारको वैदेशिक रोजगार विभाग तथा कतारी राजदूतावासमा सीधै सम्पर्क गर्न सक्नेछन् ।
गत वर्ष बक्यौता रकम लिन बाँकी रहेका दीपेन्द्र सार्की तथा कतारी आईडी नम्बर नखुलेका ध्रुव सिर्पालीलाई पनि सम्पर्कमा आएर रकम बुझ्न आग्रह गरिएको छ ।
गत वर्ष ३३ जनाले बक्यौता रकम बुझेको दूतावासको भनाइ छ ।
