वर्षाका कारण मकवानपुरको इन्द्रसरोवर गाउँपालिकाका केही केन्द्रमा मतदान प्रभावित बनेको छ ।

​इन्द्रसरोवर १ मा रहेको चन्द्रोदय प्राविमा केही समयको लागि मतदान स्थगित गरिएको हो । वर्षा रोकिएपछि मतदान कार्यलाई निरन्तरता दिने बताइएको छ । 

त्यस्तै, सोही गाउँपालिका वडा नम्बर २ मा रहेको पञ्चकन्या मावि मतदान केन्द्रमा भने पानीको प्रवाह नगरी उत्साहजनक रूपमा मतदान भैरहेको छ ।

पानीबाट जोगिन प्लास्टिक र छाताको सहारामा इन्द्रसरोवरका मतदाताहरूले लाइन लागेका छन् ।