२२ जेठ २०८३, शुक्रबार
धादिङको गल्छी गाउँपालिका १ मा नेकपा एमालेको प्यानल नै विजयी भएको छ ।
वडाध्यक्षमा यदुकुमार खतिवडा विजयी भएका छन् । उनले एक हजार एक सय ३५ मत ल्याए भने गठबन्धनका उम्मेदवार नेकपा एकीकृत समाजवादीका माधवप्रसाद खतिवडाले ९ सय ९६ मत प्राप्त गरे ।
सदस्यहरूमा गोपाल विश्वकर्मा, महेन्द्र लामिछाने, महिला सदस्यमा प्रमिला राना, दलित महिला सदस्यमा शोभा रम्तेल विजयी भएका छन् ।
तीन हजार ६२ मतदाता रहेकोमा दुई हजार दुई सय ८३ मत खसेको थियो । जसमध्ये २० मत बदर भएको थियो ।
