१० साउन २०८३, आइतबार
मतगणनामा खटिएका गणक कर्मचारी नआएपछि विराटनगर महानगरको मतगणना दुई घन्टादेखि रोकिएको छ ।
महानगरको वडा नं १ को गठन मा खटिएका गणक प्रकाश ढुंगाना सम्पर्कमा नआएपछि सो वडाको मत गणना रोकिएको हो ।
दिउँसोको सिटका गणक कर्मचारी बेलुका ८:२० मा परिर्वतन भएपछि गणक ढुंगाना बेपता भएका थिए ।
मतगणानामा खटिएका एक कर्मचारीका अनुसार ढुंगना गणना गर्न नसक्ने भन्दै अन्य कर्मचारीलाई जानकारी गराएर हिडेका हुन् ।
कर्मचारी नआउँदा मत गणना रोकिएको मुख्य निर्वाचन अधिकृतको कार्यालयका प्रवक्ता हेमबहादुर बुढाथोकीले बताए ।
बुढाथोकीका अनुसार ढुंगाना सम्पर्कमा नआएपछि मत गणना कार्य शुरू गर्न अन्य कर्मचारीलाई बोलाइएको छ ।
