१२ असार २०८३, शुक्रबार
दाङको घोराही उपमहानगरपालिकामा जारी मतगणनाको पछिल्लो विवरणअनुसार सत्तारुढ गठबन्धनका उम्मेदवार पछाडि परेका छन् ।
नेकपा एमालेबाट नगर प्रमुख पदका उम्मेदवार नरुलाल चौधरी २ हजार ७९ मतले अगाडि छन् । चौधरीले १४ हजार २०५ मत पाएका छन् ।
गठबन्धनबाट नेकपा माओवादी केन्द्रका उम्मेदवार हेमराज शर्माले १२ हजार १३६ मत पाएका छन् ।
उपप्रमुखमा पनि एमालेले अग्रता लिएको छ । एमालेकी हुमा डिसी ४७४ मतले अगाडि छिन् । उनले १३ हजार ७७२ मत पाएकी छन् । उपप्रमुखमा कांग्रेसका भूपबहादुर डाँगीले १३ हजार २९८ मत पाएका छन् ।
