१२ असार २०८३, शुक्रबार
संसारभरि विद्युतीय चिपहरूको अभाव भएपछि चीन सरकारले यसको उत्पादनका लागि सन् २०३० सम्ममा १५० अर्ब डलर खर्च गर्ने योजना बनाएको छ ।
चीन संसारको सबभन्दा ठूलो चिप उत्पादक मुलुक हो । उसले विश्वका विद्युतीय सामानहरूमध्ये ३६ प्रतिशत एक्लैले उत्पादन गर्ने गरेको छ । विश्वव्यापी विद्युतीय सामग्री आपूर्ति शृंखलामा चीनको सर्वोच्चता यसले स्थापित गर्छ ।
त्यसका साथै चीन चिप बिक्रीको सबभन्दा ठूलो बजार हो तथा अमेरिकापछि दोस्रो ठूलो उपभोक्ता बजार पनि हो । सेमीकन्डक्टरहरू भएका विद्युतीय सामग्रीको उपयोग अमेरिका र चीनमा सबभन्दा बढी हुने गरेको छ ।
तर चीनको सेमीकन्डक्टर आपूर्ति शृंखला अत्याधुनिक लजिक फाउन्ड्री उत्पादन, ईडीए टूल्स, सेमीकन्डक्टर सामग्री, चिप डिजाइन आईपी र सेमीकन्डक्टर उत्पादन उपकरणका सवालमा अझै पनि पछाडि छ ।
त्यसैले अत्याधुनिक सेमीकन्डक्टर उत्पादनमा चीनले जोड दिन थालेको छ । सन् २०१९ देखि चीनको सेमीकन्डक्टर १४ एनएम प्रविधिले सामूहिक उत्पादन थालेको थियो । ७ एनएम प्रविधिको सामूहिक उत्पादन सन् २०२३ को आरम्भतिर गरिने अपेक्षा छ ।
चीन सरकारले यसमा व्यापक लगानी गरेर पश्चिमको प्राविधिक अग्रतासँग बराबरी गर्ने अपेक्षा राखेको छ ।
