०६ साउन २०८३, बुधबार
युक्रेनले खेर्सनको आवासीय क्षेत्रमा प्रहार गरेको १० वटा क्षेप्यास्त्रलाई रुसी वायु प्रतिरक्षाले बीचैमा रोकेको रुसको रक्षा मन्त्रालयले जनाएको छ ।
त्यससँगै मरिउपोलस्थित आजोभस्टालमा रहेका २६५ युक्रेनी सैनिकहरूले हतियार त्यागेर आत्मसमर्पण गरेका छन् । तीमध्ये ५१ जना गम्भीर घाइते छन् ।
लभिभ क्षेत्रमा रुसको सटीक निशाना लगाउने कालिबर क्षेप्यास्त्रले युक्रेनी सैनिकहरू ध्वस्त पारेको छ । रुसी क्षेप्यास्त्रहरूले अमेरिका र युरोपेली मुलुकहरूबाट आएका हतियार पनि क्षतिग्रस्त बनाएको छ ।
रुसको एयरोस्पेस फोर्सहरूले युक्रेनमा दुईवटा नियन्त्रण विन्दु, पैदलसेना तथा सशस्त्र बलको उपकरण भएको ठाउँ, दुईवटा आर्टिलरी डिपो र एउटा विद्युतीय सबस्टेसन ध्वस्त पारेका छन् ।
यी आक्रमणका कारण ४७० भन्दा बढी युक्रेनी उग्रराष्ट्रवादीहरू मरेका छन् र ६८ इकाइ सैन्य उपकरण बेकामे भएका छन् ।
रुसको हवाई प्रतिरक्षाले युक्रेनका २३ वटा ड्रोन ध्वस्त पारेको छ र स्मर्च एमएलआरएसका आठवटा क्षेप्यास्त्रहरूलाई बीच बाटोमै नष्ट गरेको छ ।
सोमवार (मे १६) मा युक्रेनी राष्ट्रवादीहरूले खेर्सनको आवासीय क्षेत्रमा स्मर्च एमएलआरएसबाट क्षेप्यास्त्र प्रहार गरेकोमा रुसी हवाई प्रतिरक्षाले सबैलाई रोकेका छन् ।
