१७ असार २०८३, बुधबार
काठमाडौंको शंखरापुर नगरपालिकाको मेयरमा राप्रपाका रमेश नापित पदमा विजयी भएका छन् ।
निकटतम प्रतिद्वन्द्वी नेकपा एकीकृत समाजवादीका उम्मेदवार लक्ष्मीप्रसाद श्रेष्ठलाई ४ सय ९६ मतअन्तरले पराजित गर्दै नापित मेयर निर्वाचित भएका हुन ।
मंगलवार राति सम्पन्न मतगणनामा नापितले ४ हजार ७ सय मत प्राप्त गरेका छन् । समाजवादीका श्रेष्ठले ४ हजार २ सय ४ मत प्राप्त गरेका छन् । स्थानीय माझ लोकप्रिय रहेका नापितले ठूला दलका उम्मेदवारलाई पराजित गर्दै मेयर निर्वाचित भए ।
उपमेयरमा नेपाली कांग्रेसकी समिता श्रेष्ठ विजयी भएकी छिन् । नेकपा एकीकृत समाजवादीका अध्यक्ष माधव नेपालको निर्वाचन क्षेत्र पर्ने शंखरापुरमा राप्रपाले जितेर ठूला दललाई चक्मा दिएको छ ।
