१२ साउन २०८३, मंगलबार
नेकपा एमालेको किल्ला रहेको धनुषाको मुखियापट्टि मुसहर्निया गाउँपालिकामा जनता समाजवादी पार्टीले जीत निकालेको छ ।
जसपाका जयकुमार यादव ५ हजार ४१० मत ल्याएर विजयी भएका छन् । उनका निकटतम प्रतिद्वन्द्वी नेपाली कांग्रेसका रामबाबु यादवले २ हजार ४५५ मत, नेकपा एमालेका सुशीलकुमार यादवले १ हजार ७६८ मत ल्याएका छन् ।
त्यसैगरी उपाध्यक्षमा पनि जसपाकी सिदा खातुन ४ हजार ४१४ मत ल्याएर निर्वाचित भएकी छन् । उनकी निकटतम प्रतिद्वन्द्वी कांग्रेसकी अनिता कुमारीले ३ हजार १५२ मत र एमालेकी अन्जल साहले १ हजार ८६५ मत ल्याए ।
यसअघि उक्त गाउँपालिकाको अध्यक्षमा एमालेका मनोज यादव र उपाध्यक्षमा मीरादेवी महतो निर्वाचित भएका थिए ।
