२६ जेठ २०८३, मंगलबार
रुपन्देहीको सिद्धार्थनगर नगरपालिकाको प्रमुखमा नेपाली कांग्रेसका ईस्तियाक अहमद खान र उपप्रमुखमा नेकपा एमालेकी उमा अधिकारी निर्वाचित भएका छन् ।
खान ९ हजार १३४ मत प्राप्त गरी विजयी भएका छन् । उनका निकटतम प्रतिद्वन्द्वी राष्ट्रिय प्रजातन्त्र पार्टी (राप्रपा) का सागरप्रताप राणाले ८ हजार १३७ मत प्राप्त गरेका थिए ।
एमालेका डा. रामप्रसाद बस्याल ७ हजार ३०५ प्राप्त गरी तेस्रो स्थानमा रहेका छन् । यो नगरपालिका यसअघि एमालेले जितेको थियो ।
उपप्रमुखमा अधिकारीले ८ हजार ८१३ मत प्राप्त गरेकी छन् । मुख्य प्रतस्पर्धी राप्रपाकी विनिता गुप्ताले ६ हजार ५४४ मत पाइन् ।
भैरहवाका नामले परिचित सिद्धार्थनगरमा सत्तारुढ गठबन्धनले तालमेल गरेका थिए । ३० वर्षपछि सिद्धार्थनगरमा कांग्रेसले जीत निकालेको छ ।
