काठमाडौं महानगरका स्वतन्त्र मेयर उम्मेदवार बालेन साहसँग एमालेका केशव स्थापितले मतान्तर घटाउँदै गएका छन् । 

यसअघि ११ हजार २०४ मतान्तर थियो । अहिले घटेर १० हजार ९३० मा झरेको छ । 

कोर एरियाको मतगणना हुँदै गर्दा सामान्य भए पनि मतान्तर घटाउन स्थापित सफल भएका छन् । 

६३ हजार ६७ मतगणना हुँदा बालेनले २३ हजार ७९५ मत ल्याएका छन् । स्थापितले १२ हजार ८६५ मत ल्याएका छन् । 

यस्तै नेपाली कांग्रेसकी सिर्जना सिंहले ११ हजार ७६४ मत ल्याएकी छन् ।