विराटनगर महानगरपालिकामा ६४ हजार २८० मतगणना सम्पन्न भएको छ । एक लाख ३३ हजार १४२ मध्ये ६७ दशमलव ३५ प्रतिशत अर्थात् ८९ हजार ६७८ मत खसेको छ । 

विराटनगरको मेयरमा कांग्रेसका नागेश कोइरालाको अग्रता कायमै छ । उनले २० हजार ९७५ मतसहित अग्रता कायम गरिरहेका छन् । एमालेका सागरकुमार थापाले उनलाई पछ्याइरहेका छन् । 

थापाले १५ हजार ४३४ मतसहित दोस्रो स्थानमा छन् । जसपाबाट विद्रोह गरेर स्वतन्त्र उम्मेदवारी दिएका उमेश यादवले ६ हजार ४७७ मत प्राप्त गरेका छन् । राप्रपका प्रलाद साहले भने ४ हजार १७ मत प्राप्त गरेका छन् । 

उपमेयरमा एमालेकी शिल्पा पोख्रेलले १७ हजार ८७९ सहित अग्रता कायम गरिरहेकी छन् भने गठबन्धन तर्फका जसपाका अमरेन्द्र यादवले १० हजार ३९४ मत ल्याएका छन् । 

राप्रपाकी बिन्दाकुमारी लुइँटेलले भने ४ हजार ८६६ मतसहित तेस्रो स्थानमा छन् । 

माओवादीबाट विद्रोह गरेर स्वतन्त्र उम्मेदवारी दिएकी नमिता न्यौपानेले ३ हजार ७८९ मत प्राप्त गरेकी छन् ।