बेलायी पत्रकार पिटर हिचेन्स युक्रेनका राष्ट्रवादीहरू अश्वेत जातिका मानिसप्रति चरम असहिष्णु रहेको कुरा युरोपेलीलाई थाहा नहुनु आश्चर्यजनक भएको बताउँछन् । 

द डेली मेल पत्रिको अन्लाइन संस्करण मेल अन्लाइनमा हिचेन्सले लेखे, ‘युरोपमा लगभग कसैलाई पनि युक्रेनी राष्ट्रवादको खराब जातिवादी जरोका बारेमा थाहै छैन । युरोपमा अज्ञानताको यस्तो लहर यसअघि मैले देखेको थिइनँ । मैले अक्सफोर्डकी एक वैज्ञानिकलाई युक्रेनीहरूले सन् २०१४ मा क्राइमिया पुग्ने जलआपूर्ति रोकेको भन्दा उनी छक्क परिन् ।’

शिक्षित बेलायती महिलालाई पनि युक्रेनीहरूको जातिवादी सोचका बारेमा कुनै जानकारी रहेनछ । 

युक्रेनमा रुसीभाषीमाथि गरिएको चरम विभेदका बारेमा युरोपमा धेरैलाई थाहै छैन ।

‘युक्रेनले रुसीभाषीमाथि गरेको विभेद जस्तै क्यानडाले फ्रान्सेली भाषा बोल्नेहरूमाथि भेदभाव गरेमा अन्तर्राष्ट्रिय रूपमा त्यसको निन्दा हुनेछ,’ हिचेन्सले लेखे ।