०४ साउन २०८३, सोमबार
प्रतिनिधि सभा सदस्य हृदयेश त्रिपाठीले प्रधानमन्त्री शेरबहादुर देउवाको अगाडि संसदमा ठट्टा गरेका छन् । सरकारका नीति तथा कार्यक्रम माथि पेश गरेको संशोधन प्रस्ताव फिर्ता लिनको लागि सभामुखले समय दिँदा त्रिपाठीले ठट्टा गरेका हुन् ।
‘मैले राखेको संशोधन प्रस्तावको प्रधानमन्त्रीले जवाफ दिन बिर्सनु भएको छ, मैले पनि फिर्ता लिने काम बिर्सेको छु, फिर्ता नलिने जानकारी गराउँछु’ त्रिपाठीले भने ।
शनिवार साझ बसेको प्रतिनिधि सभाको दोस्रो बैठकमा देउवाले सरकारका नीति तथा कार्यक्रम माथिको छलफलमा उठेका प्रश्नको जवाफ दिएका थिए । सरकारका नीति तथा कार्यक्रम प्रतिनिधि सभाबाट बहुमतले पारित भएको छ ।
