२३ असार २०८३, मंगलबार
पतिको कुटपिटबाट गम्भीर घाइते भएकी चितवन खैरहनीकी गीता माझीको उपचारको क्रममा मृत्यु भएको छ ।
माझीको गएराति भरतपुर अस्पतालमा मृत्यु भएको जिल्ला प्रहरी कार्यालय चितवनका प्रहरी प्रवक्ता डीएसपी नरहरि अधिकारीले जानकारी दिए ।
चितवनको खैरहनी नगरपालिका वडा नम्बर १० कठार घर भएकी ३८ वर्षीया माझीलाई उनका पति रामचन्द्र माझीले पटक–पटक कुटपिट गर्दै आएका थिए ।
पछिल्लो पटक रामचन्द्रले गीताको मलद्वारबाट लौरो घुसाएर यातना दिएपछि उनी गम्भीर घाइते भएकी थिइन । उपचारमा संलग्न चिकित्सकहरुका अनुसार गीताको मलद्वार र यौनाङ्ग बीचको भाग च्यातिएको थियो ।
गत बिहीबार घाइते भएकी उनको भरतपुर अस्पतालमा सोमवार शल्यक्रिया गरिएको थियो । तर शल्यक्रिया गरिएकै रात उनको मृत्यु भएको भरतपुर अस्पतालले जनाएको छ ।
