गर्मीमा आँप खान सबैले मन पराउँछन् । आँपबाट विभिन्न स्वादिष्ट परिकारहरू बनाउन सकिन्छ । यहाँ हामी म्यांगो सुजी केक बनाउने तरिका सिकाउँछौं ।

सामग्री

सुजी दुई कप

कोया निकालेको आँप दुई कप

तेल आवश्यकता अनुसार

चिनी चार चम्चा

बेकिङ पाउडर आधा चम्चा

नून स्वाद अनुसार

पेस्टा दुई चम्चा

विधि

एउटा कचौरामा सुजी, चिनी र बेकिङ पाउडर राखेर राम्ररी मिसाउनुस् । 

त्यसपछि आँपको कोया फालेर पल्प निकाल्नुस् । 

पल्पलाई मिक्सरमा राखेर राम्ररी फिँट्नुस् । 

सुजीको मिश्रणमा मज्जाले तेल हालेर मोल्नुस् । 

अब त्यसमा आँपको पल्प राख्नुस् । 

त्यसमा अलिकति बेकिङ पाउडर थप्नुस् । 

अब ट्रेमा तेल दलेर केकका लागि बनेका यी सामग्री राख्नुस् । 

अनि केकमाथि पेस्ता राखेर सजाउनुस् र बेक गर्नका लागि ओभनमा राख्नुस् । 

आधा घन्टा बेक गरेपछि केक पाक्यो कि पाकेन चेक गर्नुस् ।

पाकेको भए त्यसलाई सेट हुनका लागि फ्रीजमा राख्नुस् । 

स्वादिलो म्यांगो सुजी केक तयार भयो । अब पस्केर खानुस् ।