१० साउन २०८३, आइतबार
सिरियाली शरणार्थीको फिर्ताका गर्न लेबनानले विश्व समुदायसँग पुनः आग्रह गरेको छ ।
नेशनल न्यूज एजेन्सी (एनएनए)ले भनेको छ, “लेबनानी श्रम मन्त्रीले शुक्रबार आफ्नो देशभित्र रहेका सिरियाली शरणार्थीहरूलाई उनीहरूको मातृभूमिमा छिटो र सुरक्षित फिर्ता गर्न अन्तरराष्ट्रिय सहयोगका लागि आग्रह गरेका हुन्।
मुस्तफा बायरामलाई उद्धृत गरी एनएनएले भनेको छ, “विस्थापितहरूको सङ्ख्याको बोझले लेबनानमा उच्च बेरोजगारी र अपराध दर बढेको छ । अब सिरियाली शरणार्थीहरूलाई शरण दिएर लेबनानले थप बोझ बोक्न सक्दैन ।”
जेनेभामा आयोजित अन्तरराष्ट्रिय श्रम सम्मेलनको ११० औं सत्रमा बोल्दै लेबनानका मन्त्रीले आफ्नो प्रत्यक्ष सम्बोधनमा भने, “सिरियाले आफ्ना नागरिकहरूलाई स्वदेश फिर्ता गर्नुपर्छ र सहयोगी अन्तर्राष्ट्रिय संगठनको सहकार्यमा देश पुनर्निर्माण गर्नु सिरियाको अधिकार हो ।”
उनले एक दशकभन्दा बढी समयसम्म सिरियाली शरणार्थीहरूलाई आयोजित गर्दा लेबनानको क्षतिको लागि अन्तरराष्ट्रिय समुदायको ध्यानाकर्षण गराएका थिए ।
गत महिना लेबनानका सामाजिक मामिला मन्त्री हेक्टर हज्जारले लेबनानले सिरियाली विस्थापित जनताको आयोजनाका लागि ३० अर्ब अमेरिकी डलर क्षतिपूर्ति चाहेको बताए ।
लेबनान प्रति व्यक्ति सबैभन्दा धेरै शरणार्थीहरूलाई राख्ने देश बनेको उनको भनाइ थियो । करिब १५ लाख सिरियाली शरणार्थीहरू लेवनानमा रहेको सरकारको अनुमानित तथ्याङ्क छ ।
