०५ साउन २०८३, मंगलबार
देशका सातवटै प्रदेश सरकारले बुधबार आर्थिक वर्ष ०७९–८० को बजेट घोषणा गर्दैछन् । संवैधानिक प्रावधान अनुसार प्रदेश १, मधेस, बागमती, गण्डकी, लुम्बिनी, कर्णाली र सुदूरपश्चिम प्रदेश सरकारले बजेट घोषणा गर्न लागेका हुन् ।
संघ सरकारले १५ जेठमा बजेट घोषणा गरेपछि प्रदेश सरकारले १ असारमा बजेट सार्वजनिक गर्ने संवैधानिक व्यवस्था छ । यसअघि सातै प्रदेश सरकारले नीति तथा कार्यक्रम ल्याइसकेका छन् । सोही नीति तथा कार्यक्रममा टेकेर तथा संघको बजेटले तोकेको सिलिङका आधारमा बजेट आउनेछ ।
प्रदेशका आर्थिक मामिला तथा योजना मन्त्रीले प्रदेशसभामा बजेट प्रस्तुत गर्नेछन् ।
