०६ साउन २०८३, बुधबार
उपसभामुख पदको दौडमा रहेकी नेकपा एमालेकी सांसद विद्या भट्टराईले नेपाली कांग्रेसकी पुष्पा भुसाललाई बधाई दिएकी छन् ।
उपसभामुख पदमा निर्वाचित भएलगत्तै भट्टराईले भुसाललाई संसद भवनमै बधाई दिएकी हुन् । मत परिणाम सार्वजनिक भएलगत्तै बधाई ज्ञापन गर्दै कार्यकाल सफलताको शुभकामना दिएकी हुन् ।
उपसभामुख पदको निर्वाचन शुक्रवार भएको थियो । उक्त निर्वाचनमा सत्तारुढ दलको तर्फबाट कांग्रेसकी भुसाल निर्वाचित भएकी थिइन् । उनले संसदमा १४८ मत पाएकी थिइन् । उनलाई पाँच दलीय गठबन्धनका साथै लोकतान्त्रिक समाजवादी पार्टीले पनि समर्थन गरेको थियो ।
