राष्ट्रपति विद्यादेवी भण्डारीसमक्ष नवनियुक्त सातजना  नेपाली राजदूतहरूले पद तथा गोपनीयताको शपथ लिएका छन् ।

राष्ट्रपतिको कार्यालय, महाराजगञ्जमा शुक्रवार आयोजित एक समारोहमा पद तथा गोपनीयताको शपथ लिएका हुन् । 

भर्खरै राजदूतमा नियुक्त भएका तीर्थराज वाग्ले (बहराइन), डोरनाथ अर्याल (ओमान), नवराज सुवेदी (साउदी अरेबिया), बासुदेव मिश्र (श्रीलङ्का), भरतकुमार रेग्मी (अष्ट्रिया) तथा संयुक्त राष्ट्रसङ्घ कार्यालय, भियनाका लागि नेपालको स्थायी प्रतिनिधि, सुशीलकुमार लम्साल (इजिप्ट) र घनश्याम भण्डारी (बङ्गलादेश) ले शपथ लिएको राष्ट्रपति कार्यालयले जनाएको छ । 

त्यस अवसरमा परराष्ट्रमन्त्री डा नारायण खड्कालगायत नेपाल सरकारका उच्च पदस्थ अधिकारीसमेतको उपस्थिति थियो ।