×

X
Nic Asia
Marvel
Khukuri

कला

'पाइलट' बन्ने सपना बोकेर काठमाडौं आएपछि चलचित्रमा जमेका आकाश

काठमाडाैं | असार ३२, २०७९

NTC
Argakhanchi Cement
Premier Steels
British college
TVS INSIDE

म्युजिक भिडियो होस् वा चलचित्र, केही वर्षयता दुवै विधामा जमिरहेका अभिनेता हुन् आकाश श्रेष्ठ ।

DHARA
LAxmi BAnk

‘चकलेटी अनुहार’का यी अभिनेतालाई लिएर म्युजिक भिडियो एवं चलचित्र बनाउन चाहनेहरू प्रशस्तै हुने गरेका छन् । 


Advertisment
NMB BANK
RMC TANSEN
NIC ISLAND BOX

तर आकाशको बाल्यकालदेखिको सपना भने अभिनेता बन्ने थिएन । अभिनयमा त उनी अनायासै जोडिन पुगे र स्थापित बने । ‘यो क्षेत्रमा आउँछु भन्ने नै थिएन । बच्चैदेखिको सपना भनेको पाइलट पढ्छु, पाइलट बन्छु भन्ने थियो,’ आकाशले लोकान्तरसँग भने । 

पाल्पाको तानसेनमा जन्मिएका हुन् उनी । बाल्यकाल दाङको तुलसीपुरमा बिताए उनले । त्यहीबाटै राम्रो अंकका साथ एसएलसी उत्तीर्ण गरे र प्लस टू पढ्न काठमाडौं आए । प्लस टूमा म्यानेजमेन्ट पढे, उत्तीर्ण गरे । स्नातकमा बीबीए पढ्न थाले ।


Advertisment
Bizbazar
Saurya island

‘खासमा काठमाडौं आउँदा पाइलट पढ्ने सोचेरै आएको थिएँ,’ आकाश भन्छन्, ‘म आफ्नै खर्चले पाइलट पढ्न चाहन्थें तर आवश्यक खर्च नहुँदा पाइलट पढ्न सकिनँ ।’

उनको बीबीए पढाइ बिहानी सिफ्टमा थियो । दिउँसोमा ‘पार्ट टाइम’ कामका लागि के गर्न सकिएला भनेर सोधीखोजी गर्न थाले उनी । त्यसपछि विज्ञापनमा मोडलिङको काम गर्न थाले । सोही बखत म्युजिक भिडियोमा अभिनय गर्ने अवसर पाए । गायक योगेश लिम्बुको ‘अंगालन’ बोलको गीतबाट उनले मोडलका रूपमा सांगीतिक क्षेत्रमा पाइला टेकेका थिए ।

Vianet communication
IME BANK INNEWS

गीतको भिडियोमा अभिनय गरेको केही महिनापछि अर्का अभिनेता अनमोल केसीसँग आकाशको भेट भयो । त्यसको भोलिपल्ट अनमोलकी आमा सुस्मिता केसीले आकाशलाई फोन गरेर चलचित्रको लागि अफर गरिन् । अफर गरिएको चलचित्रको नाम थियो – म त तिम्रै हुँ ।

चलचित्रमा पहिलो अनुभव थियो आकाशको । कस्तो रह्यो त त्यो अनुभव ? उनले भने, ‘निकै गाह्रो नि ! मलाई कुनै आइडिया थिएन । सेटमा कोही पनि नचिन्ने । आफूले मेहनत गरेर स्थान बनाउनुपर्छ भन्ने लाग्थ्यो ।’ 

उनी अभिनय र कलाकारिता क्षेत्रबारेमा जानेर मात्र नहुने बताउँछन् । यो क्षेत्रमा आफू कसरी अनुशासित भएर काम गर्ने भन्ने कुराले पनि अर्थ राख्ने उनको धारणा छ । अभिनयबाट दर्शकको माया र हौसला पाउँदै गएपछि भिडियो र चलचित्र क्षेत्रमै काम गर्ने सोच बनाए ।

आकाशले दोस्रो चलचित्रका रूपमा ‘तिमी सँग’मा अभिनेता बनेर अभिनय गरे । त्यसयता ‘ब्ल्याक’, ‘रामकहानी’, ‘ड्रिम गर्ल’, ‘पोई पर्‍यो काले’ लगायतका उनी अभिनित चलचित्रहरू प्रदर्शनमा आइसकेका छन् । ‘पोई पर्‍यो काले’पछि शुक्रवारदेखि मात्रै उनी अभिनित नयाँ चलचित्र ‘सम्झना बिर्सना’ प्रदर्शनमा आएको छ । चलचित्र आइरहेकाभन्दा बिल्कुलै फरक रहेको आकाश बताउँछन् ।

दार्जिलिङको परिवेशमा निर्माण भएको चलचित्रमा आकाश चिया बगानको मालिकको भूमिकामा प्रस्तुत छन् । उनी चिया बगानमा काम गर्ने मजदुरको दुःखलाई चलचित्रमा देखाउन खोजिएको बताउँछन् ।

‘यसलाई लभ स्टोरी बेसमा बनेको सामाजिक चलचित्र भन्छु । चलचित्रले केही सन्देश दिने विश्वास पनि लिएको छु,’ उनले भने । उनले नेपालभन्दा बाहिरको प्रोजेक्टमा काम गरेको यो पहिलोपटक हो । ‘३ वर्षपछि दर्शकसँग हलमा भेट्ने मौका पाएको छु । त्यसलाई लिएर एकदमै उत्साहित छु,’ उनले भने, ‘राम्रो कथावस्तुमा चलचित्र तयार पारेको हुनाले दर्शकले रुचाउनेमा उत्तिकै आशावादी पनि छु ।’

आकाशले ‘हिँड्दाहिँड्दै’ नामक नयाँ चलचित्रको भर्खरै छायांकन सकेका छन् । ‘सम्हालिन्छ कहिले मन’ भदौमा प्रदर्शनमा आउँदैछ । एकपछि अर्को म्युजिक भिडियोमा पनि अझ ज्यादा व्यस्त छन् आकाश । भिडियो होस् चाहे चलचित्र, दर्शकको माया पाउँदा एकदमै खुशी लाग्ने आकाश बताउँछन् ।

उनले कलाकारिताबाट आफूलाई राम्रो भइरहेको बताउँदै आउँदा दिनमा अझ राम्रा कामहरू गर्दै जाने बताए । चलचित्र क्षेत्रमा सधैंभरि सक्रिय रहने उनको सोच छ । भोलिका दिनमा चलचित्र निर्माणबारे पनि सोच बनाएको उनले बताए । 

पाइलट पढ्ने र पाइलट बन्ने रहर अधुरो रहँदा अहिले पछुतो लाग्ने गरेको उनी बताउँछन् । यद्यपि पढेर पाइलट बनेर आउँदा दिनमा पनि रहर पूरा गर्न सक्ने आकाशले बताए । ‘अब पढेर पनि पाइलट बन्छु भन्ने लाग्छ । त्यसबारे सोचिरहेको पनि छु,’ उनले भने । परिवारबाट उनलाई यस्तो बन्नुपर्छ, उस्तो बन्नुपर्छ भनेर कहिल्यै दबाब आएन ।

उनले भने, ‘आफ्नो इच्छाले जे मन लाग्छ, तिमीलाई जे सही लाग्छ त्यही गर तर गलत काम कहिल्यै नगर भन्नुहुन्थ्यो । अहिले पनि उहाँहरूले भन्ने त्यही नै हो ।’ 

सरल र शालिन स्वभावका आकाश फूटबलसँगै फिटनेशमा विशेष रुचि राख्छन् । उनी केही वर्षयता ‘रियल स्टेट’ व्यवसायमा समेत आवद्ध छन् ।

Maruti inside
TATA Below
NLIC
ncc inside
असोज ११, २०७९

भुटानी अभिनेत्री उगेन छोदेनले नेपाली फिल्म ‘२ नम्बरी’ मा अभिनय गर्न पाउँदा खुसी लागेको बताएकी छन् । आज  आयोजित पत्रकार सम्मेलनमा उनले नेपाली कलाकारले आफूलाई सौहार्दपूर्वक सहयोग प्राप्त भएको ब...

असोज १२, २०७९

मलयालम अभिनेता श्रीनाथ भासीलाई भारतस्थित मराडु पुलिसले सोमबार पक्राउ गरेको छ । एक अनलाइन मिडियामा काम गर्ने महिला पत्रकारले गत हप्ता एक अन्तर्वार्तामा मौखिक दुर्व्यवहार गरेपछि उनी पक्राउ परेका हुन्...

असोज १२, २०७९

चलचित्र 'पुष्पा'को सफलता पछि अल्लु अर्जुनले पुष्पा २ मा पनि शुटिङ शुरू गर्दैछन् । उनले आगामी अक्टोबरको मध्यबाट पुष्पा २ को शुटिङ शुरू गर्ने तयारि गरेको भारतीय सञ्चारमाध्यामहरूले बताएका छन् ।  ...

असोज १२, २०७९

बलिउड अभिनेता प्रभास, कृति सेनन, सैफ अली खान र सन्नी सिंह अभिनीत ओम राउतको निर्देशनमा बनेको चलचित्र ‘आदिपुरुष’ ले शुरुवातदेखि नै सबैको ध्यान खिचेको छ।   बहुप्रतिक्षित चलचित्र '...

असोज १३, २०७९

बलिउडको बहुप्रतिक्षित एक्शन थ्रिलर फिल्म ‘कोड नेम तिरंगा’का निर्माताले फिल्मको ट्रेलर सार्वजनिक गरेका छन् । इन्स्टाग्राममा अभिनेत्री परिणीति चोपडाले ट्रेलर सेयर गरेकी छन् ।  ट्रेलरमा, पर...

असोज १४, २०७९

‘प्रेमगीत ३’ले एक सातामा नेपालमा झण्डै ८ करोड रुपैयाँ ग्रस कलेक्सन गरेको छ । निर्माता एवं निर्देशक सन्तोष सेनले शुक्रवार पहिलो साताको कमाइ सार्वजनिक गरेका छन् । उनका अनुसार फिल्मले प्रदर्शनको ...

कता हरायो दशैं ?

कता हरायो दशैं ?

असोज १८, २०७९

दशैं नेपाली समाजको पोयो हो । दशैंलाई धार्मिक, आर्थिक र अरू धेरै आयामबाट हेरिए पनि यसको सामाजिक–सांस्कृतिक आयाम चाहिँ फराकिलो छ । सामाजिक सहभाव, सम्बन्ध सौहार्द्धताका कारण दशैं नेपालीको जीवनसंस्कृति ब...

नेताका कन्सिरी तताएका र हेडलाइन बनेका ती जोसिला प्रश्न

नेताका कन्सिरी तताएका र हेडलाइन बनेका ती जोसिला प्रश्न

असोज १८, २०७९

सूर्यबहादुर थापा प्रधानमन्त्री थिए । राप्रपा विभाजन गरेर बनेको जनशक्ति पार्टीको कार्यालय कमलपोखरीमा पत्रकार सम्मेलन आयोजना गरिएको थियो । ठ्याक्कै मिति यकिन नभएपनि २०६१ सालको शुरूतिर हुनुपर्छ । म भर्खर पत्रकारिताम...

मासु खाने पर्व मात्रै हो र दशैं ?

मासु खाने पर्व मात्रै हो र दशैं ?

असोज १५, २०७९

गाउँको दशैं र शहरको दशैं एउटै भए पनि मनाउने ढंग अलग–अलग छ । शहरमा दशैंमा न पिङ हुन्छ, न आत्मियता । गाउँमा परदेशबाट फर्कनेको लर्को, बोका, खसी र च्यांग्राको आवाज, धानका बाला लहलह झुलेका शितल हावा चले...

ad
x