सोनी लिभको नयाँ सिरिज ‘डाक्टर अरोडा’ले प्रशारण शुरू भएदेखि नै धमाल मच्चाइरहेको छ । यो सिरिज यौन समस्याको विषयलाई लिएर बनाइएको छ । सिरिजमा देखिएका सबैजसो कलाकारको अभिनयलाई सबैले मन पराएका छन्, तर एउटा पात्रको भने सिरिज सकिएपछि पनि सबैले सम्झिरहेका छन्, उक्त पात्र हुन् ‘फिरंगी बाबा’ ।  

सिरिजमा ‘फिरंगी बाबा’को भूमिका चर्चित कलाकार राज अर्जुनले निभाएका छन् । उनले बलिवुडमा मात्र हैन, मलयालम, तमिल र तेलगु फिल्ममा पनि काम गरिसकेका छन् । उनले हरेक भूमिकामा आफूलाई सावित गरिसकेका छन् । ‘डाक्टर अरोडा’मा पनि उनले अभिनय कलाबाट सबैलाई चकित बनाएका छन् । 

ट्रेलरमा जब राज अर्जुनको भूमिका देखियो, त्यसपछि नै उक्त सिरिजको चर्चा शुरू हुन थालेको थियो । अब सिरिज हेरेपछि उनको भूमिका किन ‘सेक्रेट’ राखिएको थियो भन्ने प्रष्ट भएको छ । ‘फिरंगी बाबा’को भूमिका उनको अभिनय, सम्वाद र शारीरिक बनावट पनि एकदम न्यायपूर्ण देखिएको छ । 

सिरिजमा ‘फिरंगी बाबा’को भूमिका राम्रो छ । केही व्यंग्यात्मक पनि छ । ‘फिरंगी बाबा’ बनेका राज अर्जुनले सिरिजमा नग्न दृश्य पनि दिएका छन् त्यो पनि १–२ सेकेण्डको मात्र होइन, लामो नग्न दृश्य देखाइएको छ । 

कथा अनुसार उनी एक आश्रममा जान्छन्, जहाँ उसका करोडौं महिला भक्तहरू हुन्छन् । सबैको बाबासँग व्यक्तिगत भेटघाटको माग हुन्छ । सबै महिला भक्तहरूको माग पूरा गर्दागर्दै उनी हैरान हुन्छन् । उनमा शारीरिक समस्या देखिन्छ । 

सोही समस्याका कारण उनी एक यौन विशेषज्ञ ‘डाक्टर अरोडा’सँग भेट्न जान्छन् । सबैसँग परिचित भएकाले उनी ‘डाक्टर अरोडा’लाई भेट्न लुकेर रेल स्टेशनमा पुग्छन् । ‘डाक्टर अरोडा’ले लुकेर नै ‘फिरंगी बाबा’को शारीरिक परीक्षण गर्छन्, ठीक त्यही बेला भीड आइपुग्छ र ‘फिरंगी बाबा’को कपडा खोसिदिन्छ । त्यसपछि उनी नांगै त्यहाँबाट भाग्छन् । उनले आफूलाई भीडले नचिनोस् भनेर कपडाले मुख छोप्छन् । 

‘फिरंगी बाबा’ आफूलाई बचाउन रेल स्टेशनमा पूर्ण नग्न अवस्थामा डौडिन्छन् । त्यसपछि उनी रिक्सा चोरेर त्यसमा आश्रमसम्म पुग्छन् । आश्रममा उनलाई सहयोगीहरूले बचाउँछन् । 

शो मा राज अर्जुनले ‘शानदार’ अभिनय गरेका छन् । उनको नग्न दृश्यले उनका फ्यानहरूलाई ‘सरप्राइज’ दिएको छ । 

राज अर्जुनले ‘ब्ल्याक फ्राइडे’, ‘रईस’, ‘सिक्रेट सुपरस्टार’, ‘शेरशाह’, ‘थलइवी’, ‘लब होस्टल’जस्ता चलचित्रमा काम गरिसकेका छन् । उनले टीभीमा ‘साईबाबा’को भूमिका पनि निर्वाह गरिसकेका छन् ।