१० साउन २०८३, आइतबार
चीनको एभिएसन इन्डस्ट्री कर्पोरेसन (एभीआईसी)को एक अनुसन्धान संस्थाले जहाजबाट उडाउन मिल्ने मानवरहित हेलिकप्टरको सफल परीक्षण गरेको चीन सरकारको मुखपत्र ग्लोबल टाइम्सले लेखेको छ ।
एआर–५००बीजे नामक उक्त हेलिकप्टर जहाजबाट उडेको थियो र त्यहीँ अवतरण गरेको थियो ।
एभीआईसीले सन् २०१७ मा यस परियोजनाको आरम्भ गरेको थियो । सफल परीक्षण उडानसँगै परियोजनाको सन्तोषजनक अन्त्य भएको छ ।
यो मानवरहित हेलिकप्टर सैन्य र नागरिक दुवै प्रयोजनका लागि उपयुक्त छ । यसबाट जलक्षेत्रीय अन्वेषण तथा उद्धारका साथै गश्ती र अनुसन्धान समेत गर्न सकिने विज्ञहरू बताउँछन् ।
सन् २०२० को डिसेम्बर महिनामा चीनले जहाजबाट उडाउन मिल्ने हलुका हेलिकप्टर ड्रोनको सफल उडान गराएको थियो । यो हेलिकप्टर पूर्णतः चीनमै बनेको हो ।
A research institute of the Aviation Industry Corporation of China (AVIC) has successfully conducted an onboard testing flight on its shipborne unmanned helicopter AR-500BJ.https://t.co/jFSnE34KcR pic.twitter.com/br1fOnBorU
— Global Times (@globaltimesnews) July 23, 2022
