०३ असार २०८३, बुधबार
पदमुक्त हुन लागेका बेलायती प्रधानमन्त्री बोरिस जोनसनले युक्रेनी सैनिकहरूसँगको सैन्य अभ्यासमा सहभागी भएको बताएका छन् ।
विगत दुई हप्तामा जोनसनको यो दोस्रो अभ्यास हो ।
शनिवार जोनसनले सैन्य पोशाक लगाएर विभिन्न हतियारको परीक्षण गरेको भिडियो सार्वजनिक गरेका थिए ।
‘यो हप्ता मैले उत्तरी योर्कशायरमा बेलायती सैनिकहरूबाट तालिम पाइरहेका युक्रेनी सैनिकहरूलाई भेटें,’ जोनसनले बताए । उनले लगभग ४०० युक्रेनी सैनिकहरूलाई भेटेका थिए ।
जुन महिनामा जोनसन किएभ पुगेको बेलामा युक्रेनका १० हजार सैनिकलाई बेलायतले तालिम दिने घोषणा भएको थियो ।
बेलायती सेनाले युक्रेनलाई २.३ अर्ब पाउन्ड सहयोग गरिसकेको छ । जोनसनका अनुसार, त्यसमा ६९ सय एन्टी ट्यांक हतियार र १२० वटा सशस्त्र हतियार पनि पर्छन् ।
भिडियोमा जोनसनले युक्रेनी सैनिकहरूको बहादुरी र नायकत्वको सम्मान गरे । उनले स्लाभा उक्राइना भनी युक्रेनी सैनिकको हौसला पनि बढाए ।
This week I visited Ukrainian troops being trained by British Armed Forces in North Yorkshire.
— Boris Johnson (@BorisJohnson) July 23, 2022
The UK is committed to doing all we can to help Ukraine continue to repel Russian aggression. pic.twitter.com/HMTClRFST5
