पाल्पाको रिब्दीकोट २ लघुवामा भएको बस दुर्घटनामा मृत्यु हुनेको संख्या ६ जना पुगेको छ । 

घटनास्थलबाट १७ जनाको उद्दार गरिएको जिल्ला प्रहरी कार्यालय पाल्पाका सूचना अधिकारी वीरेन्द्र थापाले जानकारी दिए ।

मृत्यु हुनेमा ३ महिला ३ पुरुष रहेका छन् । 

बाग्लुङ्गगको बुर्तिबाङबाट बुटवल आउँदै गरेको लु१ख ५९५२ नम्बरको बस दुर्घटनामा परेको हो ।

बसमा करिब २३ जना सवार रहेको बताइएको छ । 

अहिले घाइतेको उपचारको लागि तानसेन ल्याउने प्रयास भइरहेको प्रहरीले जनाएको छ । 

घटनास्थलमा अहिले प्रहरी पुगेर उद्दार शुरू गरेको छ । 

बस सडकबाट ५०० मिटर तल खसेको छ ।