२३ असार २०८३, मंगलबार
बेलायतको कन्जर्भेटिभ पार्टीका वरिष्ठ सदस्यहरूले पदमुक्त हुन लागेको प्रधानमन्त्री बोरिस जोनसनलाई नेटोको महासचिव बनाउन पहल थालेको द टेलिग्राफ पत्रिकाले खबर दिएको छ ।
बहालवाला महासचिव जेन्स स्टोल्टनबर्गले सन् २०२३ को सेप्टेम्बर महिनामा पद छोड्ने अपेक्षा गरिएको छ । उनको स्थानमा जोनसन जान सक्ने सम्भावना छ ।
द टेलिग्राफका अनुसार, तीन वर्ष प्रधानमन्त्री पद चलाएका जोनसनलाई आफ्नो ब्याट्री रिचार्ज गर्न केही समय लाग्ने एक वर्षको अवधि त्यसका लागि पर्याप्त हुने द टेलिग्राफ लेख्छ ।
विवादै विवादले घेरिएपछि ५८ वर्षीय जोनसनले जुलाई महिनाको आरम्भतिर कन्जर्भेटिभ पार्टीको प्रमुख पदबाट राजीनामा दिएका थिए । उनी सेप्टेम्बर ६ सम्म प्रधानमन्त्री रहिरहनेछन् ।
नेटोको महासचिव सबै नेटो सदस्यले सर्वसम्मत रूपमा नियुक्त गर्छन् । युक्रेनको समर्थन गर्दै रुसविरुद्ध कठोर अडान लिएकाले जोनसन नेटोको महासचिव बन्ने प्रबल सम्भावना रहेको बताइन्छ ।
