मंसिर १४, २०८०
हाँस्य कलाकार सिताराम कट्टेल र कुञ्जना घिमिरेले वैवाहिक वर्षगाँठको अवसर पारेर ‘भगवान कसम’ बोलको गीत सार्वजनिक गरेका छन । १५ औं वैवाहिक वर्षगाँठको अवसर पारेर ‘धुर्मुस–सुन्तली&rsqu...
साउन २१, २०७९
केही हप्तायता टिकटकमा निकै छाएको छ ‘झमझम झम्काना’ । गीतका टुक्कामा लाखौं टिकटक बनेका छन् । १ हप्ताभन्दा लामो समयसम्म यूट्युब ट्रेन्डिङको १ नम्बरमा रह्यो गीत ।
यतिबेला भने करोड क्लबको नजिक–नजिक पुगिसकेको छ । सम्भवतः १–२ दिनमै गीतले यूट्युबमा करोड भ्युज पाउनेछ ।
यस वर्ष तीजलक्षित दर्जनौं गीत सार्वजनिक भएका छन् । त्यसमध्ये चर्चा केही सीमित गीतले मात्र पाए । ‘झमझम झम्काना’ त्यही सीमित मध्येको सबैभन्दा चर्चित गीत बनेको छ ।
गीतले पाएको चर्चालाई लिएर यतिबेला यसका संगीतकार, गायक एवं मोडल समेत रहेका भागिरथ चलाउने निकै खुशी छन् ।
केही दिनअघि अनामनगरमा भेटिएका उनले सुनाए, ‘एकदमै रमाइलो, खुशी लागिरहेको छ । सबैले माया गरिदिनुभएको छ ।’
उसो त हरेक गीतलाई लिएर कलाकारमा एक किसिमको अपेक्षा हुने उनको भनाइ छ तर ‘झमझम झम्काना’लाई स्रोता–दर्शकले यतिबिध्न रुचाउँलान् भन्ने चाहिँ सोचेका थिएनन् भागिरथले । ‘गत वर्षको मेरो गीतभन्दा बढी गइदेओस् भन्ने थियो तर त्योभन्दा धेरै नै बढी चर्चित बन्यो,’ उनी खुशी सुनिए ।
त्यसपछि भ्युज बढेको बढ्यै
बोमबहादुर गाहा मगरको शब्द, भागिरथको संगीत, बिनोद बाजुरालीको सगीत संयोजनमा भागिरथ र सुनिता बुढा क्षेत्रीको स्वर रहेको ‘झमझम झम्काना’ गीतको भ्युज शुरूआतमा निकै कम थियो ।
प्रकाश भट्टको निर्देशन, गायक भागिरथ स्वयं र मोडल गीता ढुंगानाको अभिनय रहेको भिडियोले सार्वजनिक भएको २१ घण्टामा १७ हजार मात्रै भ्युज पाएको थियो । १ दिन २ दिन बित्यो, गीतको भ्युजको गति ‘स्लो’ नै थियो । बिस्तारै गीतका टुक्काहरूमा टिकटक बनाउनेहरू बढ्न थाले ।
यूट्युबमा भ्युजको गति पनि बढ्न थाल्यो । ‘टिकटकमा चल्न थालेपछि चौथौ/पाँचौं दिनबाट बल्ल भ्युजको गति बढेको हो,’ भागिरथ भन्छन्, ‘जुन गति आजसम्म कम भएको छैन, बरु झन् बढिरहेको छ ।’
उनी आफ्नो गीतको सन्दर्भमा स्रोतादर्शकलाई यूट्युबसम्म पुर्याउने माध्यम टिकटक बनिदिएको बताउँछन् । ‘हो यो गीत चल्नमा टिकटकको महत्त्वपूर्ण भूमिका छ,’ उनको स्वीकारोक्ति छ ।
यूट्युबमा आफ्नो गीत हेर्दै उनी अगाडि भन्छन्, ‘अहिले हरेक दिन ४–५ लाखका दरले भ्युज बढिरहेको छ ।’ यस वर्ष भागिरथका अन्य ३ वटा तीज गीतहरू पनि सार्वजनिक भएका छन् । ती गीतहरूले औसत भ्युज पाएका छन् ।
किन चल्यो ?
भागिरथसँगै ठ्याक्कै जवाफ छैन – गीत स्रोता/दर्शकले किन रुचाए ? तर आफ्नो गीत पृथकपनको कारण चलेको हुनसक्ने उनको अनुमान छ ।
उनी भन्छन्, ‘यो आइरहेका गीतभन्दा फरक छ जस्तो लाग्छ । सरल शब्द रहेको गीतको मेलोडी अलि फरक छ । आइरहेकाभन्दा फरक भएकै कारण चलेको जस्तो लाग्छ ।’ गीत चल्नुमा सबै पक्षको महत्त्वपूर्ण भूमिका रहेको उनको भनाइ छ ।
तीज मौलिक चाड भएकाले तामझामका साथ गीत बनाएर नचल्ने भनाइ छ ‘झमझम झम्काना’का निर्देशक प्रकाश भट्टको । केही दिनअघि भट्टले लोकान्तरसँग भनेका थिए, ‘तीज एउटा मौलिक चाड हो । अनेक तडकभडक एवं फिल्मी शैलीमा भिडियो निर्माण गरेर तीज गीत चल्दैन भन्ने कुरा यसले प्रमाणित गराएको छ । स्रोता/दर्शकले तीजमा सरल, मौलिक गीत खोज्दो रहेछ भन्ने यस गीतबाट बुझ्नुपर्ने हो ।’
बाल्यकालीन सपना पूरा गरिरहेका भागिरथ
अहिले चर्चामा रहेको ‘झमझम झम्काना’का गायक भागिरथको बाल्यकालीन सपना हो गायक बन्ने । अहिले आफ्नो बाल्यकालीन सपना पूरा गरिरहेका उनले यहाँसम्म आउन भने निकै कठोर संघर्ष गरेका छन् ।
सल्यान जिल्लाको सिद्ध कुमाख गाउँपालिकामा पर्छ उनको घर, जुन जिल्लाकै विकट गाउँपालिका मानिन्छ । सोही गाउँको किसान परिवारमा जन्मिएका उनको बाल्यकाल पढाइसँगै घाँस–दाउरा, मेलापात गरेर बित्यो । भागिरथ त्यही घाँस–दाउरा, मेलापात जाँदा अरुले गीत गाएको देखेर, सुनेर गायनप्रति आकर्षित भएको बताउँछन् । बिस्तारै उनलाई रेडियोमा बज्ने गीतहरूले औंधि आकर्षित गर्न थाल्यो । रेडियोमा राजन ठकुरी, विमलराज क्षेत्री लगायतका गीत विशेष मनपर्ने र उनीहरूको गीतहरू सुन्दै हुर्किएको सुनाउँछन् ।
‘उहाँहरूका गीतहरू रेडियोमा एकदमै सुन्थे । क्यासेटहरूमा समेत धेरै गीतहरू सुनें,’ उनी भन्छन्, ‘गायनमा लागेर उहाँहरूजस्तै चर्चित बन्ने सपना देख्थें ।’ बिस्तारै उनी भाका खिपेर गीत गुनगुनाउन थाले । ४–५ कक्षामा पढ्दा उनी छिमेकी एवं साथीभाइका माझ गायक भइसकेका थिए । उनको स्वर सुनेर छिमेकी एवं साथीहरूले भन्न थालिसकेका थिए, ‘स्वर राम्रो छ । तँ गायक हुनुपर्छ ।’ यस्तो भनाइले उनमा हौसला थपिन्थ्यो ।
स्कूलका सांगीतिक कार्यक्रमहरूमा गाएर पुरस्कार प्राप्त गर्न थाले उनी । गीत गाउने भएपछि बिहे–पूजाआजामा साथीहरूको रोजाइमा पर्थे भागिरथ । त्यतिबेलासम्म उनमा अठोट भइसकेको थियो – म गायक नै बन्ने हो । त्यही अठोटले उनलाई काठमाडौंसम्म डोर्यायो । गाउँमा हुँदा नै ललितकला क्याम्पस’मा संगीत पढ्न पाइन्छ रे भन्ने सुनेका थिए उनले ।
एसएलसी सकेपछि उनी संगीत पढ्छु र गायक बन्छु भन्ने सपना बोकेर काठमाडौं हिँडेका थिए । ‘कलाकारबाहेक अरु सपना देखिनँ । त्यही सपना पूरा गर्ने अठोटका साथ काठमाडौं हिँडें,’ उनले सुनाए ।
उनका लागि पहिलो आगमन थियो काठमाडौं । चिनेजानेका कोही थिएनन्, सोही कारण पनि काठमाडौंमा शुरूआती दिनमै उनले निकै संघर्ष गरेका छन् ।
ललितकला क्याम्पसमा भर्ना भएर संगीत पढ्न थाले उनी । काठमाडौंमा आफूलाई टिकाउन कमलपोखरीस्थित एक होटलमा भाँडा माझ्ने काम गर्न थाले । केही महिनापछि प्रमोसन भयो, सोही होटलमा वेटर बने । त्यतिबेलासम्म गीत गाउन सिकिसकेका थिए । त्यसपछि ठमेलको मस्र्याङदी दोहोरी साँझ घन्काउन थाले उनी । दोहोरी साँझमा गाइरहँदा आँट आयो गीत निकाल्ने ।
२०६८ सालमा गीत निकाले ‘मलेसिया साउदी दुबई छु’ । आफ्नै शब्द, संगीत रहेको गीत उनले विष्णु माझीसँग गाएका थिए । दशैंमा घर पुगेका थिए – रेडियोमा आफ्नो गीत बजिरहेको सुन्थे । समग्रमा गीत खासै नचले पनि जिल्लामा आफूलाई गायकका रूपमा चिनाएको उनले बताए ।
सोही वर्ष विष्णु माझीसँगको स्वरमा दोस्रो गीत ल्याए – हरे शिव राम । विष्णु माझीसँगै अर्को पनि गीत गाए – धर्तीमा जुन झार्नुपर्ने हो र ?’ त्यसपछि आएको गीत हो – कसलाई सोध्ने होला ? । विष्णु माझीसँगकै स्वरमा सार्वजनिक यस प्रेम वीरहको गीतले निकै चर्चा पायो । गीतले भागिरथलाई संगीत क्षेत्रमा छुट्टै पहिचान दिलायो । उनलाई चिन्नेहरू बढ्दै गए । दोहोरी साँझमा गुञ्जिने उनी मेला, महोत्सवतिर पनि गुञ्जिन थाले । सांगीतिक क्षेत्रमा केही सहज हुन थाल्यो ।
क्रमशः उनका अन्य गीतहरू रुचाइँदै गए । भागिरथले अहिलेसम्म ७५ भन्दा बढी गीतमा स्वर दिएका छन् । जसमध्ये ‘दिल चोरेको केशमा’, ‘गोरखपुरको सलाइँ’, ‘माया जोख्ने तुलो’, ‘नसिराउन कान्छु’, ‘फलाम पिटे तरवार’, ‘थोपडाले धोका दियो बरिलै’ हुँदै ‘झमझम झम्काना’ रुचाइएका गीतहरू हुन् ।
सांगीतिक कार्यक्रमका लागि देशदेखि विदेशसम्म पुगेका उनी सांगीतिक क्षेत्रबाट खुशी छन् । उनी जीवनभर संगीत क्षेत्रमै डुबुल्की मार्न चाहन्छन् । ‘केही गीतहरू रुचाइदिनुभएको छ । जसका कारण हिजोभन्दा आज काम गर्न केही सहज भएको छ, ‘कुराकानीको बिट मार्ने क्रममा उनले भने, ‘यद्यपि म अहिले पनि सिकिरहेको छु, सिक्दैछु । आजभन्दा भोलि कसरी राम्रो गर्ने भन्नेतर्फ सधैं सोच्नेछु । संगीत क्षेत्रबाट भने कहिल्यै टाढा जाने छैन ।’
हाँस्य कलाकार सिताराम कट्टेल र कुञ्जना घिमिरेले वैवाहिक वर्षगाँठको अवसर पारेर ‘भगवान कसम’ बोलको गीत सार्वजनिक गरेका छन । १५ औं वैवाहिक वर्षगाँठको अवसर पारेर ‘धुर्मुस–सुन्तली&rsqu...
कोरियोग्राफर रामजी लामिछाने एकसमय दिनैपिच्छे म्युजिक भिडियोको सुटिङमा व्यस्त हुन्थे । चल्तापुर्जा कोरियोग्राफर उनी महिनामा २२ वटासम्म म्युजिक भिडियोमा काम गर्थे । पछिल्ला महिना भने म्युजिक भिडियोमा उनको...
लोक गायक अर्जुन सापकोटाका अफिसियल प्रायः गीतले स्रोता–दर्शकको माया पाउने गरेका छन् । उनले तीन साताअघि शान्तिश्री परियारसँगको स्वरमा सार्वजनिक गरेको ‘न सोध पिर के को ?’ले युट्युबमा ...
लोकदोहोरी र आधुनिक गीतमा रुचाइएका गीतकार एवं संगीतकार राजकुमार बगरको स्वरमा ‘आँखैमा थियौ सानु’ बोलको गीत सार्वजनिक गरिएको छ । बगरकै शब्द एवं संगीत रहेको गीतमा उनीसँगै चर्चित गायिका...
साङ्गीतिक क्षेत्रमा छोटो समयमै नाम र दाम दुवै कमाएकी गायिकामा पर्छिन् रचना रिमाल । करिअर सुरु गरेको ३ वर्षको अवधिमै उनले १२ सय हाराहारी गीतमा स्वर दिइसकेकी छन् । थुप्रै देशमा पुगेर आफ्नो स्वर गुञ्जाइस...
बलिउडमा कलाकारको पारिश्रमिकलाई लिएर निकै चर्चा हुन्छ । विशेषगरी चलचित्रका स्टारहरूको पारिश्रमिकबारे सञ्चारमाध्यममा प्रशस्त समाचार बन्छन् । नेपालमा पनि बेलाबेलामा चलचित्रका स्टार कलाकारहरूको पारिश्रम...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...
आत्मिक शुद्धताका पक्षपाती दार्शनिक सुकरात चौबाटोमा उभिएर एथेन्सबासीलाई आह्वान गरिरन्थे– ‘तपाईं नीति, सत्य र आत्माको शुद्धताका लागि किन ध्यान दिनुहुन्न ?’ उनका अर्थमा त्यो जीवन बाँच्न योग्य हुँदैन...
दाम्पत्य जीवनको मूलभूत आधार भनेको विवाह संस्कार हो । यस संस्कारले उमेर पुगेका केटाकेटीलीलाई आपसमा मिलेर जीवनरथ अघि बढाउने स्वीकृति दिएको हुन्छ । यसो त संस्कारहरू धेरै छन् । तिनमा १६ संस्कार विशेष महत्व...