३१ जेठ २०८३, आइतबार
सिन्धुपाल्चोकको मेलम्ची नगरपालिका ११ सिमखेतस्थित भीरमा अड्किएका एक जनाको सशस्त्र प्रहरीले सकुशल उद्धार गरेको छ ।
सोही जिल्लाको हेलम्बु गाउँपालिका १ तिम्बु बस्ने ३५ वर्षीय छिरिङ शेर्पा गोरेटो बाटो हिँड्ने क्रममा शनिवार अपराह्न चिप्लिएर बाटोबाट करीब ५० मिटर तल मेलम्ची खोला माथिको भीरमा अड्किएका थिए ।
घटनाको जानकारी पाउनसाथ सशस्त्र प्रहरी बल नेपाल खानोपानी आयोजना सुरक्षा बेश मेलम्ची र इलाका प्रहरी कार्यालय मेलम्चीबाट संयुक्त टोलीले उनको सकुशल उद्धार गरेको हो ।
