२६ जेठ २०८३, मंगलबार
चीनले ताइवान टापु वरपर विशाल सैन्य अभ्यासका साथ ताइवानमाथि आक्रमणको तानाबान बुनेको त्यहाँका परराष्ट्रमन्त्री जोसेफ वुले दाबी गरेका छन् ।
‘ताइवान आक्रमणका लागि चिनियाँ सेनाले तयारी गरेको हो,’ वुले पत्रकार सम्मेलनमा बताए ।
ताइवानी जनताको आत्मविश्वास डगमागाओस् भनी चीनले विशाल सैन्य अभ्यास, क्षेप्यास्त्र प्रक्षेपण, साइबर आक्रमण, गलत सूचना प्रवाह तथा आर्थिक मिच्याइँ गरिरहेको वुको दाबी छ ।
‘ताइवान जलसन्धि र समग्र क्षेत्रको यथास्थितिमा परिवर्तन ल्याउने चीनको वास्तविक उद्देश्य हो,’ उनले बताए ।
यी अभ्यासहरू ताइवानको अधिकारको घोर उल्लंघन भएको बताउँदै वुले ताइवान वरपरको जलक्षेत्र र बृहत्तर एसिया प्रशान्तमा बेइजिङले नियन्त्रण कायम गर्न खोजेको दाबी गरे ।
ताईपेईले पनि लाइभ फायर ड्रिल गरेपछि वुले यस्तो बयान दिएका हुन् ।
