१९ असार २०८३, शुक्रबार
नेकपा माओवादी केन्द्रका अध्यक्ष पुष्पकमल दाहाल 'प्रचण्ड'ले नागरिकता सम्बन्धी ऐन राष्ट्रपतिले नरोक्ने बताएका छन् ।
पाँच दिनको जापान भ्रमण सकेर बुधवार स्वदेश फर्किएका प्रचण्डले विमानस्थलमा आयोजित पत्रकार सम्मेलनमा राष्ट्रपति विद्यादेवी भण्डारीले नागरिकता ऐन नरोक्ने बताएका छन् ।
सञ्चारकर्मीहरूले सोधेको प्रश्नको संक्षिप्त जवाफ दिदै प्रचण्डले भने, ‘राष्ट्रपतिले नागरिकता ऐन रोक्नु हुन्न । अलि चाडैं हुनुपथ्र्यो । केही ढिलो भएको चाहिँ हो ।’
राष्ट्रपति कार्यालयले भने नागरिकता सम्बन्धी ऐन अध्ययनको क्रममा रहेको बताएको छ ।
सत्तारूढ गठबन्धनले फास्ट ट्रयाकबाट नागरिकता सम्बन्धी ऐन ल्याएको थियो । आगामी चुनावमा मतदाता प्रभावित गर्न नागरिकता ऐन हतारमा ल्याएको आरोप पनि सरकार र सत्तारुढ गठबन्धनलाई लाग्ने गरेको छ ।
माओवादी केन्द्रका अध्यक्ष प्रचण्डले पार्टीको पदाधिकारी पनि चाडैं टुंगो लगाउने बताएका छन् ।
