काठमाडौं, १३ साउन-  नयाँ शक्तिका संयोजक डा बाबुराम भट्टराईले सिद्धान्त, पार्टीको नाम, संगठन संरचनालगायतका विषयमा कुरा नमिल्दा उपेन्द्र यादव नेतृत्वको संघीय समाजवादी फोरमसँगको एकता प्रक्रिया अहिलेलाई अन्त्य भएको बताएका छन् ।
राजधानीमा आज आयोजित पत्रकार सम्मेलनमा उनले नेकपा माओवादी केन्द्रसँग पनि एकताको कुनै सम्भावना नरहेको स्पष्ट पारे ।
एकताबारेको प्रश्नमा उनले भने– प्रचण्डजीले एकताको विषयमा के भन्नुभयो थाहा भएन, उहाँले एकताको सपना देख्नुभएको हुनसक्छ, त्यो सम्भव छैन ।

डा भट्टराईले प्रादेशिक र संघीय निर्वाचन एउटै मितिमा गर्ने सरकारको प्रस्ताव उपयुक्त रहेको बताए ।