०५ असार २०८३, शुक्रबार
‘आर्थर गन’ नामले प्रचलित गायक दिवेश पोखरेलले आफ्नो टुबोर्ग होमकमिङ टुरको शनिवार राति क्लब प्लाटिनमबाट शुरुआत गरेका छन् । उक्त कार्यक्रम ‘उनले के पीर प¥यो तिमीलाई ?’ बोलको गीतबाट शुरू गरेका थिए । ‘लभ इज माई रिडेम्पसन’, ‘न्यानो घर’जस्ता उनका लोकप्रिय गीतहरूले दर्शकको निकै ताली पायो । समग्रमा दर्शकहरूले आर्थरका नेपाली र अंग्रजी गीतहरूको मजा लिएका थिए । दर्शकहरूले क्रीडेन्स् क्लियरवाटर रिभाईभल्को ‘ह्याब् यु एभर सीन द रेन’ जस्ता हिट गीतहरूको पनि आनन्द उठाए ।
क्लब प्लाटिनममा आफ्नो टुरको उद्घाटनमा दर्शकहरूको अपार माया र समर्थन पाएपछि आर्थरले पोखरा, चितवन, बुटवल, धरान र बिर्तामोडजस्ता नेपालभरि विभिन्न शहरहरूमा प्रत्यक्ष प्रस्तुति दिनेछन् ।
सन् २०२० मा अमेरिकी गायन रियालिटी शो ‘अमेरिकन आईडल १८औँ सिजन’ को एक हिस्सा बनेपछि आर्थर गनको लोकप्रियता निकै बढ्यो । प्रायः दर्शकहरूले उनलाई उनको अमेरिकन आइडल अडिसनबाट चिन्न सक्छन् जहाँ उनले बब डिलनको गर्ल फ्रम द नर्थ कन्ट्री र क्रीडेन्स् क्लियरवाटर रिभाईभल्को ह्याब् यु एभर सिन द रेन नामक गीतहरू गाएका थिए । उनको प्रस्तुतिलाई सबै ३ निर्णायकहरूले धेरै प्रशंसा गरिएको थियो भने विश्व प्रसिद्ध गायिका केटि पेरीले उनलाई ‘हि ईज द बेस्ट’ भनि प्रशंसा पनि गरेकी थिइन् ।
दिवेश उक्त शोको १८औँ सिजनको उपविजेता रहे । उनको भिन्न र अद्वितीय स्वरलाई धेरै लोकप्रिय अन्तर्राष्ट्रिय गायकहरू र कलाकारहरूले समस्त कार्यक्रम भरि प्रशंसा गरेका थिए ।
टुबोर्गको संगीतसँग निकै गाढा सम्बन्ध रहेको छ र टुबोर्गले नेपालमा आफ्नो शुरुआतदेखि नै नेपाली संगीत क्षेत्रको उत्थानका लागी समर्थन गर्दै आएको छ । त्यसैले सोही प्रवृत्तिलाई निरन्तरता दिँदै टुबोर्ग यस टुरको शीर्ष प्रायोजक रहेको छ ।
गोर्खा ब्रुअरीका मार्केटिङ डाइरेक्टर आशिष विष्ट भन्छन्, ‘टुबोर्गको संगीतसँग लामो समयदेखि सम्बन्ध रही आएको छ । टुबोर्गले नेपाली संगीत क्षेत्रको उत्थान र संगीतको विभिन्न विधालाई सधैं समर्थन गर्दै आएको छ । सोही समर्थनलाई निरन्तरता दिँदै आर्थर गनसँग आबद्ध हुन पाउँदा निकै गर्व महसुुस गरेका छौँ किनभने उनले आफ्नो संगीतमार्फत नेपाली संगीत प्रेमीहरूलाई गौरवान्वित बनाएका छन् ।’
