नेपाली कांग्रेसनिकट नेपाल आदिवासी जनजाति संघको अध्यक्षमा ओमबहादुर घर्ती मगर मनोनित भएका छन् । सभापति शेरबहादुर देउवाले संघको अध्यक्षमा मगरलाई आइतवार मनोनित गरेका हुन् । पार्टीको २०७८ चैत १५ र २०७९ साउन २ गतेको केन्द्रीय कार्यसमिति बैठकको निर्णय अनुसार मगरलाई संघको अध्यक्षमा मनोनित गरिएको जनाइएको छ । 

सभापति देउवाले संघको तदर्थ समिति सदस्यमा ४८ जनालाई मनोनित गरेको कांग्रेस मुख्यसचिव कृष्णप्रसाद पौडेलले जानकारी दिएका छन् ।