२२ असार २०८३, सोमबार
युक्रेनका राष्ट्रपति भोलोदीमीर जेलेन्स्कीले रुसीहरूको कब्जामा पुगेको डोनबास क्षेत्र आफूहरूले पुनः नियन्त्रणमा लिने आइतवार बताएका छन् ।
‘हामीले आफ्ना कुनै पनि शहरहरू अनि कुनै पनि मानिसहरूलाई बिर्सेका छैनौं,’ उनले बताए ।
‘डोनबास अहिले रुसी आक्रमणका कारण ध्वस्त भएको छ । गौरवशाली युक्रेनी डोनेत्स्कलाई रुसले कब्जा गरेर लुटेको छ । तर युक्रेन फर्कन्छ । अवश्य । जीवन फर्कनेछ । डोनबासका मानिसको गरिमा फर्कनेछ । बाँच्ने क्षमता फर्कनेछ । सुरक्षित र सुखी जीवनको अवसर फर्कनेछ,’ जेलेन्स्कीले थपे ।
अमेरिकाले युक्रेनलाई रुसविरुद्ध प्रत्याक्रमणका लागि तयार पारिरहेको द वाशिङटन पोस्टले लेखेको छ । पेन्टागनले किएभलाई हालै उपलब्ध गराएको सैन्य सामग्रीलाई हेर्दा त्यो निष्कर्षमा पुग्न सकिने पत्रिकाको भनाइ छ ।
गत जुलाई महिनामा शीर्ष युक्रेनी अधिकारीहरूले खर्सन शहर फिर्ता लिनका लागि अगस्ट महिनामा प्रत्याक्रमण थाल्ने बताएका थिए ।
