१० साउन २०८३, आइतबार
प्रधानमन्त्री शेरबहादुर देउवाले संयुक्त अधिराज्यको कन्जरभेटिभ पार्टीको नेतामा लिज ट्रस निर्वाचित भएकोमा उनलाई बधाई दिएका छन् ।
४८ वर्षीया लिज ट्रस पार्टीको नेतामा निर्वाचित भएको सोमवार घोषणा गरिएको थियो । दलको नेता बनेसँगै उनी मंगलवार संयुक्त अधिराज्यको प्रधानमन्त्रीमा नियुक्त हुँदैछिन् ।
प्रधानमन्त्री देउवाले सामाजिक सञ्जालमार्फत लामो समयदेखिको नेपाल–बेलायत सम्बन्धलाई अझ सुमधुर बनाउन उनीसँग काम गर्न आफू तत्पर रहेको बधाई सन्देशमा उल्लेख गरेका छन् ।
