प्रतिनिधि सभाको महाभियोग सिफारिस समितिले निलम्बित प्रधानन्यायाधीश चोलेन्द्र शमशेर जबरासँग आइतवार चौथो दिनको बयान लिने भएको छ ।

भदौ १५ गतेबाट शुरू भएको बयान यसअघि तीन दिन चलेको थियो । 

समितिले तयार पारेका ४३ मध्ये ११ वटा प्रश्नको मात्र जबराले जवाफ दिएका छन् ।

पहिलो दिनको बयानमा व्याख्यात्मक जवाफ दिएका जबरासँग तेस्रो दिनबाट छोटो बयान भइरहेको छ । 

आइतवार मध्यान्ह साढे १२ बजे समितिको बैठक बस्दैछ ।

अदालतमा भ्रष्टाचारलाई बढावा दिएको, मन्त्रिपरिषद्मा भागवण्डा खोजेको जस्ता आरोप लगाउँदै जबराविरुद्ध गत फागुन १ गते महाभियोग प्रस्ताव दर्ता भएको थियो ।

प्रतिनिधि सभाको कार्यकाल सकिनै लाग्दा जबराविरुद्धको महाभियोग प्रक्रियामा गएको हो ।