१२ साउन २०८३, मंगलबार
चीनका राष्ट्रिय जनकङ्ग्रेस स्थायी समिति अध्यक्ष ली चान्सु तीनदिने औपचारिक नेपाल भ्रमणका लागी आज काठमाडौं आउँदै छन् ।
सभामुख अग्निप्रसाद सापकोटाको मैत्रीपूर्ण निमन्त्रणामा उनी नेपालको औपचारिक भ्रमणमा आउन लागेका हुन्।
चिनियाँ नेता लीसहितको चिनियाँ प्रतिनिधिमण्डल विशेष विमानमार्फत आउने कार्यक्रम रहेको छ ।
सोमवार नै सभामुख सापकोटा र लीले दुई देशीय वार्ता गर्ने कार्यसूची रहेको छ । सभामुख सापकोटाले नेता ली तथा चिनियाँ प्रतिनिधिमण्डलको सम्मानमा सोमवार साँझ रात्रिभोजको आयोजना गर्नेछन् ।
भ्रमणको दोस्रो दिन मंगलवार चिनियाँ नेता लीले प्रधानमन्त्री शेरबहादुर देउवासमक्ष शिष्टाचार भेट गर्ने कार्यसूचीमा उल्लेख छ ।
सोही दिन उनले परराष्ट्रमन्त्री डा. नारायण खड्कासँग पनि छुट्टै भेट गर्नेछन् ।
बुधवार उनले राष्ट्रपति विद्यादेवी भण्डारीसँग शीतल निवास पुगेर शिष्टाचार भेट गर्ने कार्यसूची रहेको छ ।
त्यस्तै अध्यक्ष लीले पूर्वप्रधानमन्त्री तथा प्रमुख प्रतिपक्षी दल नेकपा (एमाले)का अध्यक्ष केपी शर्मा ओली, पूर्वप्रधानमन्त्री तथा नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’सँग पनि छुट्टाछुट्टै भेटवार्ता गर्नेछन् ।
परराष्ट्र मन्त्रालयले अध्यक्ष ली चान्सु भदौ २९ गतेसम्म नेपालमा रहने जनाएको छ ।
